പുതു കോച്ചിനു കീഴിൽ തിരിച്ചുവരവിന്റെ ലക്ഷണങ്ങൾ കാണിച്ചു കൊണ്ട് മഞ്ചസ്റ്റർ യുണൈറ്റഡ് ഇന്ന് വൂൾവ്ഹാമ്ടൺ വാൺടറേർസിനെ നേരിടും. അതും അവരുടെ തട്ടകത്തിൽ. ഒലെ ഗുണ്ണർ സോൾസ്ജറുടെ കീഴിൽ പ്രീ സീസണിലെ പോരാട്ടവീര്യം മാഞ്ചസ്റ്റർ യുണൈറ്റഡ് ഇപ്പോഴും തുടരുന്നു. കഴിഞ്ഞ മത്സരത്തിൽ ചെൽസിയെ എതിരില്ലാത്ത നാലു ഗോളുകൾക്ക് അവർ പരാജയപ്പെടുത്തി. എന്നാൽ വൂൾവ്സിന് എതിരെ കുറച്ചുനാളായി അത്ര നല്ല പ്രകടനം അല്ല യുണൈറ്റഡിന്റെത്.

 തമ്മിൽ തമ്മിലുള്ള അവസാന മൂന്ന് മത്സരത്തിൽ രണ്ടിലും വൂൾവ്സ് ജയിച്ചപ്പോൾ ഒന്നിൽ സമനില വഴങ്ങി. എവേ മത്സരങ്ങളിൽ ജയത്തേക്കാൾ കൂടുതൽ യുണൈറ്റഡ് പരാജയപ്പെട്ടിട്ടുള്ള ഒരു ടീമാണ് വൂൾവ്ഹാമ്ടൺ വാൺടറേർസ്. അതു പോരാഞ്ഞ് കഴിഞ്ഞ 08 ലീഗ് മത്സരങ്ങളിൽ വൂൾവ്സ് തോൽവി അറിഞ്ഞിട്ടില്ല. മഞ്ചസ്റ്റർ യുണൈറ്റഡ് ആകട്ടെ കഴിഞ്ഞ നാല് മത്സരങ്ങളിൽ വിജയിച്ചിട്ടുമില്ല.

 എന്നാൽ മഞ്ചസ്റ്റർ നിരാശപ്പെടേണ്ടതില്ല. കഴിഞ്ഞവർഷത്തെ പ്രശ്നങ്ങളിൽ നിന്ന് വ്യത്യസ്തമായ ഒരു യുണൈറ്റഡാണ് ഇപ്പോൾ. ഹാരി മെഗ്വയറുടെ കടന്നുവരവ് യുണൈറ്റഡ് പ്രതിരോധത്തിലെ വിള്ളൽ അടച്ചപ്പോൾ ആക്രമണത്തിൽ മൂർച്ച കൂട്ടുകയാണ് ചെയ്തത്. കഴിഞ്ഞ വർഷത്തെ പോലെ ചെന്നായ കൂട്ടത്തിൽ അകപ്പെട്ടുപോയ കുഞ്ഞാടുകൾ ആകില്ല അവർ. ന്യൂനോ എസ്പെരിറ്റോ സാന്റോ എന്ന് വ്യത്യസ്തനായ  കോച്ചാണ് വൂൾവ്സിന്റെ നട്ടെല്ല്. ആക്രമണത്തിൽ ഡീഗോ ജോട്ടയും റൗൾ യിമിനസും. പക്ഷേ കേളി മികവ് കണക്കിലെടുക്കുമ്പോൾ ഇതൊന്നും പുതിയ യുണൈറ്റഡിനെ ബാധിക്കുമെന്ന് തോന്നുന്നില്ല. സീസൺ തുടങ്ങുമ്പോൾ തന്നെ ടേബിൾ ടോപ്പിൽ എത്താനുള്ള ഒരു സുവർണാവസരമാണ് യുണൈറ്റഡിന് കൈവന്നിരിക്കുന്നത്. അതവരുടെ ആത്മവിശ്വാസത്തിന് മുതൽക്കൂട്ടാകും