ശ്രീലങ്ക ന്യൂസിലൻഡ് ആദ്യ ടെസ്റ്റ്: ശ്രീലങ്ക ജയത്തിലേക്ക്
ശ്രീലങ്ക ന്യൂസിലൻഡ് ആദ്യ ടെസ്റ്റിൽ ശ്രീലങ്ക ജയത്തിലേക്ക്. ഒരു ദിവസം മാത്രം ബാക്കി നിൽക്കെ 135 റൺസ് അകലെ ആണ് ശ്രീലങ്കയുടെ ജയം. നാലാം ദിവസമായ ഇന്ന് ശ്രീലങ്ക ആണ് ആധിപത്യം നേടിയത്. ന്യൂസിലന്‍ഡ് ഉയര്‍ത്തിയ 268 റണ്‍സ് വിജയലക്ഷ്യം പിന്തുടർന്ന ശ്രീലങ്ക വിക്കറ്റ് ഒന്നും പോകാതെ 133 റൺസ് എടുത്ത് നിൽക്കുകയാണ്. ദിമുത് കരുണരത്നെയും(71),ലാഹിരു തിരിമാനെയുമാണ്(57) ക്രീസിൽ.
നാലാം ദിവസമായ ഇന്ന് ന്യൂസിലൻഡിന്റെ രണ്ടാം ഇന്നിങ്‌സ് 285-ൽ അവസാനിച്ചു. 77 റണ്‍സെടുത്ത ബിജെ വാട്ളിംഗിൻറെയും, 45 റണ്‍സെടുത്ത ടോം ലാഥം, 40 റണ്‍സെടുത്ത വില്ല്യം സോമര്‍വില്ലെയുടെയും ബാറ്റിംഗ് മികവിലാണ് ന്യൂസിലൻഡ് 285 റൺസ് നേടിയത്. ആദ്യ ഇന്നിങ്സിൽ 18 റൺസാണ് ശ്രീലങ്ക ലീഡ് നേടിയത്. രണ്ടാം ഇന്നിങ്സിൽ 98/5 എന്ന നിലയിൽ കൂപ്പുകുത്തിയ ടീമിനെ കരകയറ്റിയത്‌ ബിജെ വാട്ളിംഗിസ് ആണ്. ശ്രീലങ്കയ്ക്കായി ലസിത് എംബുല്‍ദേനിയ നാല് വിക്കറ്റ് നേടി. നിക്കോളസ്(26), ടിം സൗത്തി(23) എന്നിവരും ന്യൂസിലൻഡിന് വേണ്ടി പൊരുതി. മൂന്നാം ദിവസമായ ഇന്നലെ ശ്രീലങ്കയുടെ അവശേഷിച്ച മൂന്ന് വിക്കറ്റ് നാൽപ്പത് റൺസിൽ അവസാനിച്ചു. നിരോഷന്‍ ഡിക്ക്വെല്ലയുടെയും സുരംഗ ലക്മലിന്റെയും ചെറുത്ത് നിൽപ്പിൽ ആണ് ശ്രീലങ്ക 18 റൺസിന്റെ ലീഡ് നേടിയത്. ഇരുവരുടെയും എട്ടാം വിക്കറ്റ് കൂട്ട്കെട്ട് സ്കോര്‍ 242-ൽ എത്തിയപ്പോൾ അവസാനിച്ചു. ഡിക്ക്വെല്ല അറുപത്തിയൊന്നും, ലക്മൽ നാൽപ്പതും റൺസ് നേടി.
