ഗോവൻ താരം ജെസെല്‍ കാര്‍നെറോ കേരള ബ്ലാസ്റ്റേഴ്സിലേക്ക്
കൊച്ചി: കേരള ബ്ലാസ്റ്റേഴ്സിലേക്ക് മറ്റൊരു താരം കൂടി എത്തുന്നു. മുൻ രഞ്ജി ട്രോഫി ഗോവ ടീം ക്യാപ്റ്റന്‍ ആയിരുന്ന ജെസെല്‍ കാര്‍നെറോ ആണ് കേരള ബ്ലാസ്റ്റേഴ്സിലേക്ക് എത്തുന്നത്.നിലവിൽ ജെസെൽ ഡെംപോ സ്പോര്‍ട്ടിങ് ക്ലബില്‍ ആണ് കളിക്കുന്നത്. അവിടെനിന്നാണ് താരത്തെ കേരള ബ്ലാസ്റ്റേഴ്സിലേക്ക് എത്തിച്ചത്.
ഗോവ ടീമിൻറെ ക്യാപ്റ്റനായിരുന്ന ഇദ്ദേഹം 2018-19 വര്‍ഷം നടന്ന സന്തോഷ് ട്രോഫി മത്സരത്തിൽ ഗോവയെ ഫൈനൽ വരെ എത്തിച്ചിരുന്നു. നായകനെന്ന നിലയിൽ മികച്ച പ്രകടനമാണ് താരം കാഴ്ചവെച്ചിട്ടുള്ളത്. ലെഫ്റ്റ് ബാക്ക് പൊസിഷനില്‍ കളിക്കുന്ന താരം രഞ്ജി ട്രോഫിയിൽ മികച്ച പ്രകടനമാണ് നടത്തിയിട്ടുള്ളത്. പുണെ, ഡെംപോ എസ്‌.സി എന്നീ ടീമുകൾക്ക് വേണ്ടി താരം കളിച്ചിട്ടുണ്ട്. കേരള ബ്ലാസ്റ്റേഴ്സിലേക്ക് എത്തുന്നതിൽ വളരെ സന്തോഷമുണ്ടെന്ന് ജെസെല്‍ പറഞ്ഞു.
