ആഷസ് : ആദ്യ ദിനം മഴക്ക് സ്വന്തം

ആഷസ് പരമ്പരയിലെ രണ്ടാം ടെസ്റ്റിന്റെ ആദ്യ ദിനം മുഴുവൻ മഴ മൂലം നഷ്ടപ്പെട്ടു . രാവിലെ മുതൽ ഇടക്കിടക്ക് മഴ പെയ്തുകൊണ്ടിരുന്നതിനാൽ ടോസ് ചെയ്യലും നടന്നില്ല. രണ്ടാം ടെസ്റ്റിനുള്ള 12 അംഗ ടീമിനെ ഇന്നലെ തന്നെ ഇരു ടീമും പ്രഖ്യാപിച്ചിരുന്നു. അതിൽ ആരൊക്കെയാണ് അവസാന 11 ൽ ഇടം പിടിക്കുക എന്ന് ടോസിന് ശേഷം മാത്രമേ പുറത്തു വിടൂ. ആദ്യ ടെസ്റ്റിൽ ഇല്ലാതിരുന്ന ജോഫ്രെ ആർച്ചെറി ഇംഗ്ലണ്ടിനായി ടെസ്റ്റിൽ അരങ്ങേറ്റം കുറിക്കും എന്നാണ് സൂചന. ഓസ്‌ട്രേലിയക്കായി ആദ്യ ടെസ്റ്റിൽ കളിച്ച ജെയിംസ് പാറ്റിൻസൺ ഇന്നലെ പ്രഖ്യാപിച്ച 12 അംഗ ടീമിൽ ഇടം പിടിച്ചിട്ടില്ല. പകരം ജോഷ് ഹേസിൽവുഡ് കളിക്കും.