അണ്ടർ 19 ട്രൈ സീരിസ്: ബംഗ്ലാദേശിനെതിരെ ഇന്ത്യക്ക് ബാറ്റിംഗ് തകർച്ച

ഇംഗ്ലണ്ട്: ഇംഗ്ലണ്ടിൽ നടക്കുന്ന അണ്ടർ 19 ട്രൈ സീരിസ് യൂത്ത് ക്രിക്കറ്റിൽ ഇന്ന് പതിനൊന്നാം ഏകദിന മത്സരത്തിൽ ഇന്ത്യ ബംഗ്ലാദേശ് മത്സരം ആരംഭിച്ചു. ടോസ് നേടിയ ഇന്ത്യ ബാറ്റിംഗ് തിരഞ്ഞെടുത്തു. ബാറ്റിങ്ങിൽ ഇന്ത്യക്ക് തിളങ്ങാൻ ആയില്ല. ആദ്യ മൂന്ന് വിക്കറ്റുകൾ അവര്ക് നഷ്ടമായി. ഒടുവിൽ വിവരം കിട്ടുമ്പോൾ ഇന്ത്യ പത്ത് ഓവറിൽ മൂന്ന് വിക്കറ്റ് നഷ്ട്ടത്തിൽ 34 റൺസ് എന്ന നിലയിലാണ്. സമീറും, റാവത്തുമാണ് ക്രീസിൽ. പട്ടേൽ, തിലക്, പ്രാഗ്‌നേഷ് എന്നിവരുടെ വിക്കറ്റ് ആണ് ഇന്ത്യക്ക് നഷ്ട്ടമായത്.

ഇന്ത്യ, ഇംഗ്ലണ്ട്, ബംഗ്ലാദേശ് എന്നീ ടീമുകൾ ആണ് ഈ ട്രൈ സീരീസിൽ പങ്കെടുക്കുന്നത്. മൊത്തം 12 മത്സരങ്ങളും, ഒരു ഫൈനൽ മൽസരവുമാണ് ട്രൈ സീരീസിൽ ഉള്ളത്. പോയിന്റ് നിലയിൽ ബംഗ്ളദേശ് ആണ് ഒന്നാമത്. ഓഗസ്റ്റ് പതിനൊന്നിനാണ് ഫൈനൽ മൽസരം നടക്കുന്നത്. ഫൈനലിൽ ഇന്ത്യയും ബംഗ്ലദേശും തമ്മിലാകും ഏറ്റുമുട്ടുക. ഇംഗ്ലണ്ടിന് ഇതുവരെ ഒരു കളി മാത്രമാണ് ജയിക്കാൻ കഴിഞ്ഞത്.