രവി ശാസ്ത്രിക്ക് പൂർണ പിന്തുണയുമായി കോലി.

മുംബൈ : ഇന്ത്യൻ ക്രിക്കറ്റ് ടീമിന്റെ മുഖ്യ പരിശീലകൻ രവി ശാസ്ത്രിക്ക് പൂർണ്ണ പിന്തുണയുമായി നായകൻ വിരാട് കോലി. പരിശീലക സ്ഥാനത്തേക്ക് ബി.സി.സി.ഐ പുതിയ കോച്ചിനെ തേടുന്നതിനിടെ കോഹിലിയുടെ പ്രസ്താവന ശ്രദ്ധേയമായി.

ഇന്ത്യൻ ക്രിക്കറ്റ് ടീമിന്റെ മുഖ്യ പരിശീലകനായി രവി ശാസ്ത്രിക്ക് തുടരാൻ സാധിക്കുകയാണെങ്കിൽ അത് ടീമിന്  ഏറെ ഗുണകരമായിരിക്കുമെന്ന് കോലി പറഞ്ഞു. വെസ്റ്റിൻഡീസ് പര്യടനത്തിനു പുറപ്പെടും മുൻപ് മുംബൈയിൽ നടത്തിയ വാർത്താ സമ്മേളനത്തിൽ സംസാരിക്കുകയായിരുന്നു കോലി.

മുൻ ക്യാപ്റ്റൻ കപിൽ ദേവ് , അൻഷുമാൻ ഗെയ്ക്വാദ് , ശാന്ത രംഗസ്വാമി എന്നിവരടങ്ങിയ മൂന്നംഗ ഉപദേശക സമിതിയാണ് പരിശീലകന്റെ കാര്യത്തിൽ അന്തിമ തീരുമാനമെടുക്കുക. ഓഗസ്റ്റ് 13, 14 തീയതികളിലാണ് പരിശീലക സ്ഥാനത്തേക്കുള്ള അഭിമുഖം. അതേസമയം പുതിയ പരിശീലകനു വേണ്ടി ബി.സി.സി.ഐ അപേക്ഷ ക്ഷ3ണിച്ചെങ്കിലും രവി ശാസ്ത്രി തന്നെ തുടർന്നേക്കുമെന്നാണ് സൂചന.